Txotx
Sagardo Berria
Txotx berri garaia
Gure Sagardoako kultura gastronomikoaren ezaugarria da txotx erritua. Bezeroek Sagardoa erosteko orduan egiten zuten probaketatik sortu zen. Garai batean upategiek ez zuten urte osoan edaria kupelean behar bezala kontserbatu ahal izateko bitartekorik. Beraz, neguaren amaieratik udaberria hasi bitartean bezeroak urte guztiarako ontziratuko zuten Sagardoa erosi ohi zuten.
Modu honetan, kupela baten eta bestearen arteko ezberdintasunak ikusita, erosleak kupela bakoitzaren edukia dastatu ohi zuen sagardorik onenaren bila, botilaratutako sagardoaren erosketa akordioa itxi arte.
Botilaratzeko aukeratu ez zirenak kupeletik zuzenean zerbitzatutako edalontzietan saltzen ziren, upategia aldi baterako garaiko sagardotegi bihurtuz.
Hau guztia historiara da dagoeneko. Gaur egun upategia ezin hobeto hornituta dago urte osoan zehar bezeroei kalitatezko sagardoa zerbitzatzeko, euren beharren arabera. Baina dastaketa erritual horrek gaur egun txotx garaia bezala ezagutzen duguna ekarri du.
Sagardoa urteko produktua da, beraz, urtarrila amaieratik aurrera urtero edaten duguna jaio berri den edaria da, urte klimatikoak eta sagarrak eman dizkion ezaugarriak biltzen dituena. Horrek guztiak xarma berezia ematen dio gure edariari.
Urtarrilaren erdialdetik apirilaren azken egunera arte, Zapiainek gauero irekitzen ditu bere upategiko ateak igandeetan izan ezik. Giro paregabea izan ohi da, sagardogileak berak kupeletik zuzenean zerbitzatutako sagardo berriarekin otordu apartaz gozatzeko.
Upategian bertan afaltzen da, zutik. Sagardoarekin batera ohiko platerak dastatzeko aukera dago: bakailao-tortilla, bakailao prejitua, txuleta, gazta taula eta intxaurrak.
Erakargarritasun aparteko errituala, data iristen denean inork galdu nahi ez duela.
Menua
Txotx
Sagardoa
Kupeletik zuzenean botilaratutako gure kalitate oneneko sagardoa dastatzeko aukera.
Bakailao tortila*
Maritxu Goñiren errezeta. Ama batzuentzat, amona besteentzat, eta sukaldari bikaina.
Bakailao prejitua*
Islandiako eta Faroe Uharteetako kalitatezko bakailaoa, piper eta tipulaz lagunduta.
Txuleta
Behi zaharraren txuleta ikatz parrillan errea, gutxi egina, tradizioak agintzen duen moduan.
Gazta taula*
Sagardoarekin primeran uztartzen diren Euskal Herriko gazten taula. Sagarrarekin.
Intxaurrak
Gaztarekin batera, betidanik gure etxean egon diren intxaurrak.
Ogia
Astigarragan bertan egiten den ogia, Ergobia auzoan.
*Bi lagunentzako razioa.
KALITATEZKO GURE HORNITZAILEAK:
Kepa Loidi · Alkorta Bakailuak · Txogitxu · Euskal Herriko Artzainen Gaztak · Mendiluze Okindegia · Pedro Luis